ఉలికి ఉలికి పడుతోంది,ఏదో చెప్పాలని పదాలు వెతుక్కుంటోంది....
అదీ, ఇదీ అనుకుంటూ ముళ్ళు పెట్టుకుంటోంది,
కొన్ని తేలిగ్గా లాగెయ్యగల ఉచ్చు ముళ్ళు,
కొన్ని విప్పలేని పీటముళ్ళు, లాగేకొద్దీ బిగుసుకునే చిక్కుముళ్ళు.....
అల్లిబిల్లిగా అల్లుకుపోతున్న ఆలోచనల వలలు,
చిక్కుబడి కాలుసాగక స్థబ్దుగా నిలిచిపోతోంది.
రాతిరి దొర్లిపోతోంది, జాబిలి వడివడిగా ఆదరికేసి జరిగిపోతోంది...
మబ్బులు ఎవరో తరుముతున్నట్టు అటూ,ఇటూ పరుగులెడుతున్నాయి.....
తను మాత్రం నిలిచిపోయింది,
వెనక్కి వెనక్కి జరిగిపోతోంది...
అవి ఏవో తెలియని చీకట్లలోకి,
నల్లగా మూసుకుపోతున్న దిగంతాలలోకి.........
కామెంట్‌లు లేవు:
కామెంట్‌ను పోస్ట్ చేయండి